وجهة نظر تستحق القراءة: وين الدولة؟؟ – عن صفحة هانز خليل

لاحقاً لمنشوري السابق بخصوص ثقافة الجهود الجماعيه للقيام بما يفيد حياتنا وواقعنا الحالي البائس بدل رسم الفرح عالحيطان ويجيك شوفير تاكسي بالليل يشخ عالحيط لأنو البلد مافيها تواليتات عامه؟.
برنامج كاميرا المواطن على الاخباريه السوريه رصدت حلقه خاصه عن واقع سوق الهال في حلب، شكاوي المواطنين يلي بالمناسبه هنن تجار سوق الهال وسائقي الشاحنات، الشكاوي تراوحت بموضوع انو الشارع بدو تزفيت وتصليح وانو البلديه ماعم ترحل القمامه يلي صارت تلال ويلي بالمناسبه هي عباره عن خضارهم هم التالفه وكمان شكاوي حول عدم وجود تواليتات مما يضطر فيه التجااااار والسائقين الى افراغ مثاناتهم وأمعائهم الغليظه خلف تلال القمامه مما يزيد في انتشار أريج العطور وهاد الحكي ايمتى؟. في زمن الكورونا وياجماعه غسلو ايديكم تسع مرات باليوم وافركوهم منيح؟!!.

طيب تعالو لنقول انو الدوله شلة حراميه شقد في ناس انبسطت على هالتوصيف ونفذت مشروع سوق الهال بربع الميزانيه وسرقو الباقي منيح هيك؟!. نحنا عم نحكي عن سوق الهال يلي مجتمع فيه دراكولات ومصاصي دم ومستعدين يرمو الخضار والفواكه ومايبيعوها بأقل من ضعفين سعرها!. يلي مو مصدق كلامي يروح لسوق الهال ويشوف بعينو تلال الخضار والفواكه يلي عم يرموها لأنو تلفت ومو مستعدين ينزلو اسعارها؟. لو كل دراكولا منهم دفع مبلغ بسيط من ارباحهم الفاحشه وقامو بتزفيت الشارع وعملو تواليتات صغيره في أماكن عملهم ودكاكينهم وحافظو على نظافة سوقهم عبر جمع خضارهم التالفه وترحيلها يومياً بشاحناتهم الخاصه وبالدور، كل يوم على واحد منهم او بالتعاقد مع شاحنه خاصه مثلاً ؟. قديش راح تكلفهم القصه؟. طيب انتو اصلاً حراميه والدوله يلي عم تشتموها وتحملوها كل مصايبكم ماعم تدفعولها ضرايبكم الحقيقيه وعم ترشو جباة الماليه حتى تخفو ارباحكم وتسرقوها من الدوله وبعدين عم اتطالبو فيه “محلوق منتوف لاشعر ولاصوف”؟؟!
شعب بمعظمو بينظف بيتو وبيرمي اكياس الوسخ من البلكون وبدو الدوله تشيل الكيس وياويلو عامل البلديه المسكين اذا ماشال كيس الوسخ؟.
شعب اختصر كل الوطن بالبيت وبس شلون بدك يقتنع بمبادرات جماعيه لصالحو هو اولاً؟. شعب تعلم يسرق ويرتشي ويعمل صفحات عن فساد المسؤولين وهو أكبر فاسد ومرتشي وعندي أسماء بهالخصوص لكن شو الفايده من التشهير اذا كان البلاء عام؟؟!!

هذا المنشور نشر في المقالات. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s