الفساد: سيمفونيه اميركيه وعازفون سوريون!!. – من صفحة هانز خليل

لايخفى على أحد انو تحت بند الفساد حققت اميركا معظم أهدافها بالعالم وخصوصاً بالعالم العربي وعلى رأسهم التطبيع!. لكن الغريب والمزعج بالموضوع انو الفساد زاد أضعاف لكن ماشفنا حمير العرس بالساحات يلي استعملوهم بمصر والسودان والعراق ولبنان والمغرب طلعو اعترضو عالفساد والتطبيع؟!. لأنو هدول مابيطلعو إلا بالريموت الاميركي الصهيوني حصراً!!. بس تعرقل شي مشروع أو اتفاقية نهب جديده فوراً بتشوفو حمير العرس بالساحات بدهم يسقطو الحكومه تحت بند واحد مافي غيرو “”الفساد”” وشفتوهم آخر مره بطرابلس لبنان وتونس!!.
طيب خلونا نفكك هالشيفره العجيبه ونسحب هالسلاح السحري من يد اميركا والغرب، عسى نشوف الأمور على حقيقتها لأنو الظاهر انو في حمله جديده بسوريا عم يقودها عملاء لكن حاملها الرئيسي حمير عرس راح نشوفهم قريباً بالساحات بنسخه جديده لنفس المؤامره الماضيه وماراح نتربى ولانتعلم ليش؟. لأنو حمير العرس اكتر مما بتصورو!!.
باختصار شديد، العالم مقسوم بين دول رأسماليه ناهبه ودول منهوبه أو مايدعى بدول المركز ودول الأطراف، كل الدول المنهوبه لديها نفس النموذج ونفس (الفساد) بالضبط ولاتختلف إلا بالأسماء!!. معناها الفساد هو اسلوب وطريقه لمعاش الناس؟. يمكن هالتعبير غريب بحاجه لتوضيح اكتر؟.


في الماضي كانت القبائل في كل أصقاع الأرض تغزو بعضها وتنهب خيرات وثروات بعضها ليس حباً بالغزو والنهب وليس فروسيه كما يصور بعض الأغبياء قصص داحس والغبراء وحرب البسوس على انو حيونه وجحشنه بل هو طريق وممر اجباري لمعيشة الناس وقتها وإلا راح يكون الفناء والموت جوعاً مصيرهم _ بالمناسبه شوفو مسلسل الفايكنغ حتى تعرفو انو نحنا كنا هواة بهيك قصص _!.
كل دول الأطراف المنهوبه ونحنا منها هي ليست دول بالمعنى الحقيقي لذلك لاتستطيع بناء اقتصاد منتج تصب عوائده بالبلد نفسه ويمكن من هذه العوائد ايجاد بنيه تحتيه متطوره قويه ومعامل وصناعات تستوعب الطاقه البشريه وترفع بالتالي مستوى معيشة الناس فيها بحيث مايحتاجو (الفساد) والسرقه والرشوه لسد حاجاتهم المعيشيه يلي تضاعفت بشكل مهول نتيجة التطور والتكنولوجيا، يعني القصه ماعادت رغيف خبز وقبضة زيتون، صار الموبايل الذكي والانترنت والغساله والبراد وحتى السياره من ضروريات الحياة متل الخبز!.
انت يا ابو مخ مسطح عايش في بلد منهوب واقتصادك ريعي تصب عوائده في الخارج، يعني حق موبايلك وبرادك وغسالتك وسيارتك عم تقبضو الدول الرأسماليه مو حكومتك حتى اتطالبها براتب مليونين تلاته وبيوت رخيصه ونسوان ببلاش ومته بقروش؟.
انت يا ابو مخ مسطح كنت عايش بقروش قبل 2011 وماعجبك الوضع وركبت بالقطار الاميركي وعملت ثوره وهي النتيجه واليوم طالع بنفس النغمه وانو هلكنا الفساد والفاسدين والحكومه عم تسرق الكهربا وتبيعها للبنان وعم يشربو البنزين والمازوت وعم يتنشقو الغاز ويفسوه علينا !!.
لحتى تفهم معنى كلمة اقتصاد ريعي وماتقول نحنا عندنا صناعه ومعامل وبلوط!. انت ماعندك شي حتى الصناعات الدوائيه يلي صرعتو طيزنا فيها هي مجرد تغليف وتعبئه لأنو المواد الأوليه من باراسيامول لمضادات الالتهاب الخ مستورده وبيد شركات غربيه حصراً واليوم قطعوها عنك وطار الدوا من السوق وانت بمخك المسطح عم تصيح وين الدوا؟. ليش اتضاعفت اسعارو وهو صناعه محليه؟؟. بتعرف ليش؟. لأنو الحكومه وأصحاب معامل الادويه عم يعملو عمليات فدائيه حتى يأمنوه لحضرتك وعم يتعاملو مع قراصنه ومهربين ومافيات بدل الاستيراد المباشر وهاد كلو عم يكلف ملايين وقيس الدوا على كل شيء بدون استثناء من رغيف الخبز للمحروقات وووو!!.
يعني ناقلة النفط يلي عم ترفع اعلام مزوره وعم تطفي اجهزة الرصد والاتصال حتى تقدر تهرب من الحراسه الأميركية على سواحلك وتأمنلك النفط، ماعم تعمل هيك لأنو بتحبك على مخك المفلطح بل لأنو عم يتقاضو أضعاف اجرتهم في الظروف العاديه وانت يامحشش اذا الحكومه رفعت سعر البنزين بيوصلك عواك لقبرص بدون جهود “ياهم لالي”!!. مفطوم انت عالسياره مافيك بلاها!. الله يرحم ايام جرابك المبخوش وطالع الاشطمان منو!.
انت يا ابو مخ مسطح شو هي خططك بالقضاء على الفساد؟!. انت ماعندك شي غير انك تلملم قصص وخبريات عنها وتنشرها على صفحتك أو تطلع مع فيصل الخائن على قناة الجزيره تحكي عن بلدك وحكومتك وتنشر غسيلك الوسخ على صفحتك وتحرض حمير العرس من متابعيك؟.
أتحدى أي واحد من ابطال النزاهه والشرف ومكافحة الفساد انو يكون عندو اجنده منطقيه غير المطالبه بحرية التعبير وحرية نشر الغسيل وتعليق مشانق الفاسدين والمحاسبه وهاد كلو كلام حق يراد به باطل حتماً حتى لو ما اعتبرنا اصحابها عملاء عم يخدمو اجنده اميركيه صهيونيه؟.
بدك تحارب الفساد؟. روح حرر موارد بلدك من ايدي اميركا وعملائهم القسديين، بدك تحارب الفساد بدل ماتعزف سيمفونية اميركا روح احتج وتظاهر ضدها لترفع الحراسه وقيصر عن بلدك، روح اقنع التاجر والصناعي يدفعو ضرائبهم الحقيقيه للدوله بدل مايسرقوها!. عندك مليون واجب تعملو وتساهم فيه بالتخفيف من آثار أشرس حرب عرفتها البشريه ممكن تشن على دوله بحجم سوريا!.
غير هيك لايليق بأمثالك إلا ابو حيدر..

هذا المنشور نشر في المقالات. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s