ياأستاذ ارجوك ثم ارجوك ثم أرجوك تفهمني من وين بيحكي هاد اللي اسمه كمال اللبواني ؟ يعني متل ماقلت حضرتك من فترة مابتعرف نظريته كيف مركبها . مرة بقول ايران عملت داعش ومرة النظام ومرة اسرائيل وامريكا. والاسلام عليه مؤامرة والسنة وقعو بفخ. كله صحيح بس جاوبني مين اللي عمل داعش والنصرة؟ ايران ولا اسرائيل وامريكا ولا النظام ؟ لأن اذا عرفنا الجواب بنفهم نظرياتك كلها.
بصراحة بحب اللي عم يحكيه لما بيحكي على المساواة والحرية والديمقراطية والمجتمع المدني والبعيد عن الطائفية وبيحب كتير اللي بيحكيه عالجولاني والاتراك لأنو كتير صحيح. بس والله مابقى أعرف ليش كل يوم بيدوخني السبع دوخات. يعني بتسمعه بيطلع معه انو الاسد عميل بريطاني والجولان كانت تفاهم بين الاسد واسرائيل وبعدين بيطلع بيقلك الأسد الاب وصاه لابنه اياك تسلم الجولان لاسرائيل لأنك بتموت . وبقتلوك. طيب شو بدك تفهم من هيك كلام؟ يعني وين راس الكلام ووين ط*** مرة باع الجولان ومرة مابيخلي ابنه يوقع ع تنازل عن الجولان او سلام مع الأزرق.
بعدين اسمع يااستاذ شو اليوم طلع بنظرية انو كل القتل والمذابح من شغل المخابرات الدولية مو من السوريين وانو مخابرات قسد لبست لبس العشائر وقتلت الدروز لانو الشعب السوري مو هيك ثقافته. لأنو بدهم يعملو مشروع تقسيم. يعني بالله عليك كيف مازبطت معك قبل هاد الوقت انو الثورة كانت تركيب مخابرات وانو نظام الاسد كان فيه كذب عليه كتير وتركيب افلام وصناعة افلام مخابرات عن الكيماوي والقتل والمجازر. انت يالبواني حضرتك كنت تروج للمخابرات الدولية وألاعيبها وكذبها على النظام السوري وتقول الي بدها ياه المخابرات الدولية بأنه هو قتل الشعب السوري ومجرم قتل أهل السنة واللي عمله لايصدقه عقل. فكيف ماكانت لعبة مخابرات ضد الاسد بس هلأ صارت لعبة مخابرات ضد الشعب السوري؟ بعدين بلا مؤاخذة انت رحت لاسرائيل وطلبت منهم يساعدو الثورة مقابل تتفاهم معهم طيب ليش معتبر الشرع مو متلك؟ كمان هو راح او رايح ع اسرائيل منشان الثورة . يعني انتو ورطتو البلد بثورة وسخة وقبلتو لعبة المخابرات وكنتو بتعرفو بس هلأ صرتو عم تحكو انها لعبة مخابرات. كيف هون لعبة مخابرات ومبارح مع الاسد مولعبة مخابرات عملت ثورتك الوسخة.
ارجوك ياسيد نارام تنشرلي حتى لو مابكتب متلك عربي فصيح لأن والله طق قلبي. أنا بحب اللي عم يحكيه اللبواني لانه كتير مزبوط بس ليش هلأ صرت تحكي عن المخابرات.؟ بتمنى اللبواني يقول لي الكيماوي لعبة مخابرات دولية ضد الاسد ام لا؟ وحكاية قتل مليونين سوري كذبة مخابرات ام حقيقة؟ وصيدنايا كذبة ولا حقيقة. ودخولك اسرائيل كان وطنية او عمالة متلها متل عمالة الجولاني؟
بس بدي اللبواني يصحح مساره وكلامه وحاجة يخبط عباس بدباس. وكل يوم يحكي نظرية شكل. يااخي ماعاد اعرف مين عمل داعش والنصرة؟ الاسد أم ايران أم اسرائيل أم الروس ام الامريكيين . وماعاد اعرف الاسد باع الجولان ام بطل رفض يسلم الجولان ويوقع . اللبواني مابيجاوبك بس بدو يفهمك فكرة انو الاسد شر مطلق وبس. هو باع الجولان بس ماباعها وماخلى ابنه يبيعها. كيف يعني؟ وهو قتل الشعب السوري والمخابرات الدولية ماالها دور لأنه مجرم وبس.
اللبواني فهمان اللعبة كتير بس مابيحكي الا اللي بيناسبه . هلأ كلامه كتير زابط وتحليله كتير صحيح ع الجولاني ولعبة تركيا واسرائيل بس فجأة بيكوع بكلامه وبيرجع عنه وبيطلع الجولاني وجماعته يعني مو كتير الهون قرار بالمذابح لأنها اسرائيل هيك بدها. طيب مزبوط اسرائيل . طالما بتعرف انها اسرائيل ليش هلأ لاكتشفت انها اسرائيل هي صاحبة ثورتك وهي استخدمتك الك انت كمان وعم تستخدم الجولاني وكل هدول الحمير السوريين جماعة الفزعات والجهاد.
ببوس ايدك استاذ نارام لاتهمل رسالتي . انشرها منشان توصل للبواني.
اياد ****************
نارام سرجون 