تعوا لأحكيلكم هالقصة من ملفاتي الشخصية #بلا_مزح

مع بداية الحرب على سوريا..لما بلشنا نعمل صفحات ندافع فيها عن بلدنا..بعتلي صديق وقلي باركلي..قلتلو خير؟ قلي بتعرف الصفحة (..) قلتلو إي هي تبعت الإرهابيين بمنطقة (..) بحلب..قلي صارت تحت سيطرتنا..قلي هلق رح انزل منشور اخلي التسعين ألف اللي فيها ينصعقوا..قلتلو طيب أش بتكون استفدت؟

قلي عندك فكرة؟ قلتلو أنا اللي عندي..

مالازم اللي بالصفحة يعرفوا أنو السيطرة عليها راحت ..فعلياً بلشنا بتقمص شخصيات من قبيل أبو دجانة..و العنداني الحر و و و ..الفكرة مو بس جابت نتائج الفكرة نجحت أكتر بكتير من المتوقع لدرجة صار يجيني فيها رسائل على حسابي شيت الصفحة ..شكاوي ..معلومات.. كنت لما أقرأ بعض الرسائل أموت من الضحك وتحديداً لما تنتهي الرسالة بعبارة ..جزاك الله خيراً يا أخي وأنا ماسك بإيدي قنينة بيرة..🍺🍺بس للأمانة أكتر شي كان يضحكني لما يجي حدا من أصدقاء حسابي هون ..وينزل شي سب و شتم بالأدمن اللي هو أنا وبنفس الوقت بكون كاتبلي هون تعليق مدح عشي مقال😀 ..

فعلياً عشت حالة انفصام شخصية خلال الفترة هي بس كانت ممتعة..تحديداً لما أضطر لشي منشور طويل..حشيت الله الجولاني ذات نفسو ماكان بلحقني.هلق أش هي مناسبة هالحكي؟ خدوا هالفنجان القهوة من إيدي و تعوا نتساءل:

يا ترى ما هو موقف اللي بدو يعرف أنو اللي كان عمبراسلو بالحقيقة هو واحد من عشر سنين مابدل صورة بروفايلو اللي هي صورة الخالد حافظ الأسد؟

تعوا نعكس القصة..اللي براسل صفحة..لينقللها ملف أو شكوى أنت شلون عرفت مين هو اللي قدامك؟ حتى لو كان شخص معروف طيب شلون وثقت بتوجهاتو؟

بتصور أوضح من هيك توضيح ماضل..كلنا بدنا حل للفساد والتقصير و و و و بس مو بالطريقة اللي حضرتكم فهمانينا..كتيرين عم يكتبوا عن الفساد وعم ينتقدوا وما عم بقصروا بس فرق بين الغباء وبين الانتقاد المسؤول..ليش ماحدا تعرضلون؟
لازم نعرف أنو فعلياً نحن بمرحلة حرجة..حتى العدو مانو مخبي حالو..واللي بدو يعملوا فأنتوا ليش مستهونين برد فعل الدولة أو أي دولة للدفاع عن مصالحها..وبس.

استختام ..كان معكم أخوكم أبو دجانة ال..واإلا استنوا شوي أنا وين حالياً؟ أي تذكرت عصفحتي الأساسية معناها ..كان معكم #فراسعزيزديب
انتهى البيان