مارح يطلعوا ولادكم بكرا ولابعد شهر ولا بعد سنة بس رح يصير لكل واحد فيهم “رقم مرجعي” أكيد بالأمم المتحدة… رقم رح يتعب هالسلطة الإرهابية كتير.
برجع بقلكم هي حجمي وهي قدرتي… ومارح اشتغل بالسياسة واترك القانون ولا رح اكتفي بالقانون واترك السياسة…
مبارح بآخر الليل بعتبر أني أنجزت المرحلة الأولى من مشروعي القانوني وأنهيت ترجمة الدفعة الثانية من ملفات المغيبين قسراً وفق معايير الأمم المتحدة لأن قالولنا إلي ولولادكم اللي ساعدوني:
منستلمهم منكم بالعربي بس رح يطولوا عنا كتير…
فقلنالهم:
بس العربية لغة رسمية معتمدة بالأمم المتحدة ليش يطولوا؟!
قال:
فيه وضع بيتعلق بالموظفين…. قلنالهم: لا مابدنا يطولوا نحنا منترجم… وشو بدكم منشتغل عندكم ومعكم… يعني:
1- سلمنا الملفات لكل فريق يتبع الأمم المتحدة وفق مهامه المكتوبة في قرار إحداثه بعد اجتماعات وتواصل مباشر معهم…
2- سلمناها لمنظمات دولية غير حكومية وازنة جداً إقليمياً وعمستوى العالم متل هيومن رايتس ووتش وفيدرالية الاختفاء القسري الأورومتوسطية وأيضاً بعد اجتماعات مباشرة معهم
رح نوقف؟…. لا…. ورح نكمل هون مع المختفين بس هلا فينا ناخد نفس لأن:
رح نحاول نبلش مرحلة قانونية أعقد وأهم ورح خبركم عنها…
مبارح:
فيه اسم عذبني كتير ملفه باعتيلي أهله ايميل نتج خطأ عنه… ووين بدي دور بين مئات الإيميلات…
قلت بلحظة تعب: يالله بلاه…. لأن العدد اللي ترجمته كبير…
وبعد مابعتت الملفات… قلت: مستحيل اتركه….
رجعت بدي دور بين مئات الايميلات ومن حظي وجدته بعد حوالي عشر ايميلات فقط… ورجعت بعته:
مارح نترك حدا منقدر مانتركه…
ضلوا بخير…. وعفكرة:
بوعدكم قريباً علمكم كل شي وتتعلموا ترفعوا أوراق ولادكم لحالكم واللي مابيعرف أنا بضل معو….
=====================
رابط المقال
نارام سرجون 